Vieiros

Vieiros de meu Perfil


Edición xeral

RSS de Edición xeral
Buscan causar o menor impacto ambiental

O trazado é a causa do rexeitamento do PSOE asturiano ao AVE transcantábrico

Consideran que é prexudicial para a costa, e recoñecen que non tiveron en conta a posición do PSdeG.

Redacción - 18:45 09/11/2007

O secretario xeral da Federación Socialista de Asturias (FSA-PSOE), Javier Fernández asegurou que a disconformidade dos socialistas asturianos con respecto ao AVE transcantábrico radica no trazado proposto, "de acordo co modelo de rexión que temos, a infraestrutura na zona na que está debuxada parécenos negativa", declarou ante os medios de comunicación.

Fernández recoñeceu que non tivo en conta a posición do Partido Socialista galego, e afirmou que "ás veces as posicións son diferentes a outras federacións porque hai unha compoñente territorial", e continuou dicindo que "as posturas por tanto non son sempre coincidentes, pero non só neste asunto".

A costa, gran activo económico de Asturias
Como defensa do seu posicionamento, o representante dos socialistas asturianos dixo ter baseado as súas sentencias en análises previos, tendo en conta unicamente que "o trazado previsto está cinguido á costa asturiana, que é un dos grandes activos económicos que queremos preservar".

Malia todo, Fernández confesou que esa mesma análise con outro trazado "habería que avaliala en función do que se propoña". Manifestou tamén a necesidade de medir en termos de "custe e beneficio" as infraestruturas tendo en conta os impactos de tipo social, económico ou ambiental.

"Nós faremos o imposíbel por lograr que o AVE se faga polo sitio con menor impacto ambiental, e aí onde está previsto é elevadísimo", engadiu.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: