Vieiros

Vieiros de meu Perfil


Edición xeral

RSS de Edición xeral
Resposta ao discurso do presidente de EUA

Cuba ridiculiza os intentos de Bush de recrutar militares da illa

O ministro de Asuntos Exteriores cubano, Felipe Pérez Roque advertiulle de que lle está a falar "a un exército libertador. Esquece que o exército de Cuba é o pobo uniformado".

Redacción - 13:51 25/10/2007
Felipe Pérez Roque, este mércores na Habana

Felipe Pérez Roque, este mércores na Habana

O ministro de Asuntos Exteriores cubano, Felipe Pérez Roque acusou este mércores ao presidente de Estados Unidos, George Bush, de incitar ao levantamento interno en Cuba e de tratar de recrutar aos militares cubanos.

"Promételles perdoarlles a vida, se agora, a tempo, se arrepinten de servir ao pobo", afirmou Pérez Roque, quen afirmou que Bush "está delirando". Ademais, advertiulle de que lle está a falar "a un exército libertador. Esquece que o exército de Cuba é o pobo uniformado".

Os combatentes cubanos, agregou, fixeron posible a independencia de Namibia, a liberación de Nelson Mandela, a legalización do Congreso Nacional Africano e o xurdimento dunha Suráfrica sen Apartheid, política racista que apoiou EUA.

"É unha confirmación de que a política en vigor no réxime de Bush é o cambio de réxime de Cuba, mesmo pola forza", insistiu Pérez Roque.

"Invocación á violencia"
O ministro considerou que as declaracións de Bush foron entendidas na illa caribeña como "unha invocación á violencia, un chamado ao uso da forza para derrocar a revolución e impor os seus designios en Cuba".

Pérez Roque advertiu de que chegado o caso, Estados Unidos enfrontaríase a "millóns de combatentes, que atoparán a un pobo fogueado e preparado".

O titular da diplomacia cubana cualificou o discurso de Bush como unha descrición "mentireira e ridícula" da situación actual de Cuba, e xustificou este feito en que "só a cegueira e o odio poden levar" a estas palabras.


4.5/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: