Vieiros

Vieiros de meu Perfil


Fwwwrando

RSS de Fwwwrando
BUSCAN INMUNIDADE XURÍDICA

Grupos de medios de comunicación e de Internet chegan a un acordo a favor dos dereitos de autor

Redactan unha carta de principios comúns que os protexa das denuncias dos propietarios de contidos e comprométense a crear ferramentas para borraren material ilegal das súas webs

Redacción - 13:14 19/10/2007

Os grupos de medios de comunicación e de sitios de Internet acordaron redactar unha carta de principios comúns para a protección dos dereitos de autores na rede, unha iniciativa na que non participou o xigante Google. Entre os asinantes desta carta publicada en Internet, bautizada "principios para o repecto dos dereitos de autores para o contido xerado polos usuarios", figuran os grupos de televisión CBS e Fox, o sitio de vídeoclips Dailymotion, o sitio MySpace, Microsoft, NBC Universal (grupo Xeral Electric), o grupo de medios de comunicación Viacom, Veoh Networks, e Walt Disney.

Google estaba en negociación con eles pero finalmente non se achegou ao grupo. O grupo está en preito co grupo Viacom, que lle reclama mil millóns de dólares de compensacións para os clips piratas extraídos, en particular, das súas emisións de éxito na televisión.

Estes grandes principios, que os asinantes quererían concretar de aquí a finais do ano, queren responder á avalancha de litixios desencadeada pola difusión de contidos en Internet, en particular o vídeo.

O acordo prevé, en particular, a utilización de ferramentas de eliminación do contido ilegal enviado polos internautas, e tamén de bloqueo deste contido antes de que sexan publicados en Internet. A carta propón tamén que os sitios adheridos ao acordo non deberán xa ser perseguidos polos propietarios de dereitos, aínda que os contidos pirateados figuren aínda nas súas páxinas.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: