Vieiros

Vieiros de meu Perfil


Fwwwrando

RSS de Fwwwrando
POLÉMICO IMPOSTO XA APLICADO EN CATALUÑA

Os concellos galegos poderían cobrar 12 millons dos beneficios dos móbiles

A Federación Galega de Municipios debaterá seguir o exemplo de Pontevedra, que gravará o 1,5% dos ingresos locais de Movistar, Vodafone e Orange.

Manuel Vilas - 09:00 17/10/2007
O pleno da FEGAMP será o 22 de novembro

O pleno da FEGAMP será o 22 de novembro

Agora mesmo so é Pontevedra, pero o resto dos 315 municipios do país poderían seguir o seu exemplo. A Federación Galega de Municipios e Provincias (FEGAMP) vai tratar na súa próxima xuntanza a aplicación dun imposto ás compañías de móbiles. As arcas locais recibirían o 1,5% dos beneficios que sacan as operadoras na área municipal, taxa que acaba de aprobar o Concello de Pontevedra.

O concelleiro de Facenda, Raimundo González, explicou que Pontevedra comezará a gravar ás operadoras a partir de 2007. Segundo La Voz de Galicia, o plan do concello é que Movistar pague 167.000 euros, Vodafone 117.000 e Orange 65.000.

Se todos os concellos galegos aplicasen ese mesmo canon do 1,5%, recadarían uns 12 millóns de euros ao ano.

Xa se aplica en Cataluña
A aplicación da taxa conta con precedentes fóra de Galiza. De feito, 90 concellos cataláns -entre eles Sabadell e Badalona- comezaron a cobralo este ano. Iso si, as operadoras contraatacaron cunha chuvia de recursos xudiciais, polo de agora favorábeis aos concellos.

Con estes precedentes legais sobre a mesa, a FEGAMP debaterá o asunto o vindeiro 22 de novembro. A favor do imposto tamén está a aposta política da FEMP (o equivalente estatal da FEGAMP), quen deseñou a fórmula legal pola que algúns concellos xa gravan ás operadoras.

Loita entre administracións
E é que no transfundo deste taxa está a loita dos municipios por facerse cun anaco dos impostos das teleoperadoras, que ata agora recibe o Estado.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: