Vieiros

Hai máis dun ano que o proxecto de lei sobre a memoria histórica chegou ao Congreso. Un punto de inflexión decisivo no relato da democracia do Estado español que daquela semellaba que podería tramitarse con axilidade na Cámara baixa, onde alén da pechada oposición do PP, contaba coa simpatía do resto das formacións políticas.

Pero as circunstancias da actualidade e os detalles do texto complicaron o debate, adiado durante máis de medio ano, e recuperado con éxito nas últimas semanas. O diálogo parlamentario destes días deu en sucesivos acordos do PSOE con BNG, CiU, PNV, Chunta Aragonesista e IU-ICV. Quedou fóra do acordo ERC.

A nova norma fixa unha condena explícita e firme do franquismo e subliña a ilexitimidade das decisións de diversas institucións e tribunais da ditadura. Por outra parte, estabelece o compromiso de ir alén do papel e impulsar políticas públicas activas en favor da recuperación da memoria histórica.