Vieiros

Ezequiel Mosquera (Cacheiras, Teo, 1975) leva case toda a súa vida vivindo neste municipio coruñés, pegadiño a Compostela. Ten 31 anos, e hai relativamente ben pouco que se dedica a subir nunha bici. Hai apenas unhas semanas quedou quinto na Vuelta a España, facendo unha das mellores actuacións dun ciclista galego despois de Álvaro Pino e os irmáns Delio, Emilio e Manuel Rodríguez.

Na tarde da terza feira o Concello de Teo quixo facerlle unha homenaxe á que, ademais dos membros da corporación municipal, asistiron amigos e familiares de Mosquera. O ciclista entregoulle ao alcalde, Martiño Noriega (BNG), unha camisola do KGZ, das que levou durante a Vuelta, asinada. O alcalde agasalloulle o volume de conmemoración da exposición 120 anos de Ciclismo Galego, organizada pola Consellaría de Cultura e Deporte.

O ciclista, aínda que un chisquiño canso polas múltiplas actividades que leva feito desde que terminou a Vuelta, amosouse moi contento do recoñecemento dos seus veciños.