Vieiros

Vieiros de meu Perfil


Edición xeral

RSS de Edición xeral
Proposición do BNG en Madrid

O Congreso nega a transferencia da xestión dos fondos de formación

O paradoxo fixo que mentres o Parlamento debatía o impulso do autogoberno, en Madrid se frease unha das aspiracións marcadas na axenda do bipartito.

Redacción - 09:00 03/10/2007

Mentres PSdeG e BNG coincidían en Galiza e no Parlamento na vontade de espremer as transferencias pendentes en diversas áreas, as arelas competenciais quedaban freadas en Madrid co voto conxunto de PSOE e PP.

Xa que logo, a proposición de lei do BNG para que se lle transferisen a Galiza os Fondos de Formación Profesional Continua, era rexeitada no pleno do Congreso. A deputada galega Olaia Fernández Davila recordoulles a socialistas e populares que o da competencia na xestión da formación continua "é un conflito político e xurídico que se arrastra desde hai máis de quince anos" e lembrou que en sentenzas do ano 2002 a recursos presentados pola Xunta de Galiza e pola Generalitat catalá, o Tribunal Constitucional "declarou que as competencias de execución en materia de formación ocupacional, na modalidade de formación continua dos traballadores en activo correspóndelle ás comunidades autónomas".


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: