Vieiros

Vieiros de meu Perfil


Edición xeral

RSS de Edición xeral
Kim Jong-Il (Norte ) e Roh Moo-Hyun (Sur)

Histórica xuntanza en Pyongyang entre os líderes das dúas Coreas

Esta é a segunda reunión entre os líderes dos dous estados dende a Segunda Guerra Mundial, tras a primeira que se produciu no ano 2000.

Redacción - 11:51 02/10/2007
Kim Jong-Il e Roh Moo-Hyun, este martes en Pyongyang

Kim Jong-Il e Roh Moo-Hyun, este martes en Pyongyang

O primeiro ministro norcoreano, Kim Jong-Il, deulle a benvida ao presidente surcoreano, Roh Moo-Hyun, este martes na capital do país, Pyongyang, onde celebrarán a segunda reunión entre os líderes dos dous estados dende a II Guerra Mundial -a primeira foi no ano 2000.

Kim Jong-Il apareceu por sorpresa antes da chegada de Roh Moo-Hyun, aínda que nun principio non estaba prevista a súa saída darlle a benvida ao líder surcoreano. A cerimonia foi organizada no último momento.

Un apertón de mans entre os dous líderes deu inicio a unha cerimonia solemne de benvida, mentres miles de persoas aplaudían e gritaban e axitaban flores de papel de cor vermella e rosa.

Ambos os dous mandatarios descenderon as escaleiras por unha alfombra vermella e o primeiro ministro de Corea do Norte presentou ao seu homólogo do sur ante os máximos dirixentes do seu país.

Nunha mensaxe escrita, o presidente surcoreano confesou a súa "emoción" pola calorosa benvida que lle brindaron os cidadáns norcoreanos.

Roh Moo-Hyun chegou a Pyongyang tras un traxecto de catro horas por estrada, que incluíu un simbólico paseo a pé a través da liña de demarcación militar no medio da Zona Desmilitarizada que separa as dúas Coreas.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: