Vieiros

Vieiros de meu Perfil


Edición xeral

RSS de Edición xeral
INVESTIGACIÓN SOBRE O GAIÁS

Os populares queren evitar que Fraga declare na comisión da Cidade da Cultura

Porén, socialistas e nacionalistas coinciden na necesidade de que compareza canda Touriño.

Redacción - 14:25 24/09/2007

Fraga por Touriño, esta é a chiscadela que lle fan os populares aos socialistas. A formación conservadora presentou este luns a súa proposta de traballo para a comisión parlamentaria. Pide que se chame a declarar a quince persoas, encabezadas pola conselleira de Cultura, Ánxela Bugallo; o seu predecesor, Xesús Pérez Varela; e o alcalde de Santiago, Xosé Antón Sánchez Bugallo. Ademais, os populares esixen un “principio de reciprocidade”; é dicir, se se chama a un responsábel da anterior administración hai que facer o mesmo co seu homólogo actual.

Pola súa parte, o BNG quere unha investigación moito máis completa. En total son 26 persoas as que os nacionalistas cren que deben dar explicacións, entre as mesmas atópanse tamén o Manuel Fraga, Emilio Pérez Touriño e o ex conselleiro de Economía Xosé Antón Orza. O propio PSdeG coincide na necesidade de que compareza Fraga e non pon obstáculos a que o faga Touriño.

Sexa como for, nas filas socialistas e nacionalistas dase por feito que Manuel Fraga vai ser chamado a declarar. Aínda que están dispostos a negociar unha lista consensuada, a presenza do que fora máximo responsábel da Xunta semella unha cuestión irrenunciábel.


4,8/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: