Vieiros

Vieiros de meu Perfil


Edición xeral

RSS de Edición xeral
Debaterase a creación dunha comisión de investigación

O PP acusa ao goberno de prevaricación na adxudicación da obra da autovía do Barbanza

O bipartito rexeitara a puntuación elaborada por unha consultora das ofertas para o desdobramento da vía, e encargou unha nova, da que saíu escollida unha proposta 31 millóns de euros máis cara.

Redacción - 11:48 09/09/2007

O Parlamento debaterá estre martes a proposta popular de abrir a de investigación. O grupo popular fala de "presións políticas" para que fose revisada a valoración de ofertas do contrato, de 300 millóns de euros e listo para adxudicar cando se produciu o relevo na Xunta, hai dous anos. Coa nova puntuación resultou beneficiaria Itinere, do Grupo Sacyr, principal accionista de Audasa. Segundo o PP, a manobra serviu para desbloquear as negociacións que liberaron as peaxes de Rande e A Barcala.

Pola contra, a revisión prexudicou á construtora San José, á que logo se lle adxudicaron os contratos da autopista Dozón - Ourense. O concurso para as obras foi convocado o 3 de marzo do 2005 pola Consellaría de Política Territorial, que daquela dirixía Feijoo. Foi contratada, por concurso público, unha asistencia técnica para valorar as ofertas presentadas. Catro meses despois, a empresa entregou o informe, e a construtora San José tiña a maior puntuación.

A Xunta, daquela en funcións, deixou pendente a concesión da adxudicación, para que se encargase dela o goberno entrante, pero Política Territorial, con María Xosé Caride ao fronte, paralizouna para revisar o proceso de valoración con criterios de seguridade ambiental e protección económica. En decembro dese ano informouse da contratación dunha nova asistencia técnica, e foi escollida a oferta do Grupo Sacyr.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: