Vieiros

A organización das Xornadas De Software Ceibe da Universidade de Santiago de Compostela (USC) acaba de publicar o programa da segunda edición. Un dos relatorios máis novidosos será a presentación do proxecto BelEnus.

Trátase dun innovador proxecto galego para crear unha plataforma de conexión a internet de banda larga que funciona con software libre. Destaca, como principal novidade, que a plataforma está alimentada mediante enerxías renovábeis, como, por exemplo, paneis que aproveitan a luz do sol.

As xornadas están organizadas pola Asociación de Usuarios de Linux da Universidade de Santiago de Compostela (Aulusc) e o Grupo de Usuarios de GNU/Linux da Galiza (GLUG) e terán lugar no Campus Sur entre o 20 e o 21 de setembro.