Vieiros

Vieiros de meu Perfil


Edición xeral

RSS de Edición xeral
UN CONTRATO DE CASE TRES MILLÓNS

Críticas á privatización do control medioambiental dos ríos galegos

CC.OO. acusa á Xunta de montar unha campaña de privatización en servizos públicos como a loita contra o lume e a asistencia social

Redacción - 12:24 21/08/2007
Foto: Augas de Galicia

Foto: Augas de Galicia

Comisións Obreiras critica a "privatización encuberta" da inspección dos leitos fluviais da Xunta. A Consellería de Medio Ambiente sacou este mes un concurso, por un valor de case 3 millóns de euros, para que unha empresa privada se faga cargo desta tarefa.

O sindicato cree que se trata dun "acto ilegal de cesión de funcións propias reservadas ao Executivo autonómico". Na súa opinión tarefas como a inspección, a sanción, a limpeza e a conservación dos ríos non pode ficar en mans privadas.

Estas críticas únense ás de ADEGA, que onte arremeteu contra o control dos vertidos das piscifactorías do país.

"Que interveña Touriño"

Comisións acusa ao bipartito de estar promovendo unha política de privatizacións "en contra do comprometido no proceso de diálogo social". Como exemplos pon a recente privatización dos servizos públicos de loita contra incendios -xestionados mediante SEAGA-, as galescolas e dos servizos sociais -a través de SOGASERSO.

Ante esta situación, pide a intervención de Touriño e anuncia unha campaña a prol dos servizos públicos a partir de setembro.


4.75/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: