Vieiros

Vieiros de meu Perfil


Edición xeral

RSS de Edición xeral
O PP non investiga o acontecido

Rajoy deixa en "erro" a polémica coas listas do PP vasco

A Xustiza decidirá sobre o caso da inclusión de veciños sen o seu consentimento. O PSdeG considera a Rajoy e a Feijoo "cómplices de falsificación".

Redacción - 09:30 20/08/2007

A atribución do acontecido a un simple erro, tal e como expresou o presidente do PP, Mariano Rajoy, esta fin de semana, é segundo o secretario de Organización do PSdeG, Ricardo Varela, un exemplo de "desvergonza impropia dun dirixente político". Varela lembroulle a Rajoy que a falsificación de sinaturas para incluír veciños do Grove en listas do PP vasco é un feito dunha "extraordinaria gravidade, sen precedentes coñecidos na nosa historia democrática".

Por este motivo, e debido ao distanciamento dos presidentes do PP e PPdeG ao respecto, o voceiro do PSdeG cualificounos de "encubridores de delitos tipificados no Código Penal". Insiste Ricardo Varela en que os populares deben "depurar responsabilidades políticas" e esixe "dimisións". "Non pode volver producirse un escándalo coma este que deteriora a imaxe de Galiza", afirmou.

Durante a fin de semana, Mariano Rajoy referírase ao caso coma un "erro" do que dixo desexar que "non se volva producir". "Non é algo do que ninguén poida estar orgulloso, pero agardo que as cousas se resolvan o máis axiña posíbel", dixo Rajoy.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: