Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
Desacordo polo modelo de área metropolitana

Desaire de Caballero a Casal, quen lle reprocha falta de humildade

"Xa lle gustaría que lle contestase", apúxolle o alcalde de Vigo á súa compañeira de partido en Pontevedra, Teresa Casal. Mentres, a dirección provincial agarda que medien na lea desde o Goberno.

Redacción - 09:30 14/08/2007

Á rápida resposta de Abel Caballero, quen saía ao paso da proposta do conselleiro de Presidencia, Xosé Luís Méndez Romeu, descartando calquera posibilidade de conexión a través dun ente metropolitano entre as cidades de Vigo e Pontevedra, contestáralle a pasada semana a socialista pontevedresa Teresa Casal. Opinara Casal que a belixerancia de Caballero era mostra dun "viguismo desfasado" e "localismo" que supuña "a volta aos tempos de Leri", en referencia ao finado concelleiro vigués Antonio Nieto Figueroa 'Leri'.

Caballero apenas lle adicou tempo este luns a responderlle á súa compañeira de partido, deixando o desafío nun "xa lle gustaría que lle contestase o alcalde de Vigo" e subliñando simplemente que Casal "é concelleira dun municipio que está fóra da área metropolitana Vigo-28". O rexedor vigués dixo considerar que este modelo é o que xa funciona realmente "a nivel económico, social e sanitario". Salientou ademais que os alcaldes da zona apoian esa proposta. "Hai garantía de bo funcionamento porque xa está a funcionar", insistiu. Para ese proxecto, asegurou unha vez máis que conta co apoio expreso da Xunta, "co seu presidente á cabeza".

"O que dixo o conselleiro é indubidábel", insistía este luns Teresa Casal, quen aseguraba que se limitou a facerse eco da proposta oficial do Goberno. Ao tempo, en declaracións a Europa Press, chamou a Abel Caballero a ser un chisco "máis humilde". "Somos o que somos por ser persoas, non por ter un alto cargo", afirmou.

O PPdeG aposta polo Vigo-14
"É o único modelo que se pactou e é o único que non se está a defender", advertiu a voceira do PPdeG vigués, Corina Porro. Ao respecto, o rexedor olívico cualificou de "moi grave" a oposición dos populares ao formato de área metropolitana con 28 concellos. "Oponse á realidade", sostén Caballero, "ela mesma viviría fóra da área metropolitana con ese proxecto de 14 municipios".


4,67/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: