Vieiros

Apenas uns días despois do discurso anual de Mohamed VI, onde o monarca realizaba chamadas ao avance democrático do país, e poucas semanas antes dos comicios do 7 de setembro, a realidade cotiá daquel país trae exemplo de novas accións contra publicacións xornalísticas.

Durante a fin de semana o director da revista Tel Quel foi interrogado pola policía no seu fogar na capital marroquí, segundo comunicou o propio Ministerio do Interior. A publicación ironizara sobre a utilidade da convocatoria electoral nun país onde o poder último está nas mans da monarquía.