Vieiros

Vieiros de meu Perfil


Edición xeral

RSS de Edición xeral
Culpa a Touriño de consentir co "desencontro"

O PPdeG aponlle "ausencia de coordinación" a Vivenda e Política Territorial

A rifa en materia de competencias a conta da Norma do Hábitat Galego foi argumento esta fin de semana para a acusación dos populares.

Redacción - 09:30 30/07/2007

"A Xunta carece dunha dirección política única que garanta a súa coordinación efectiva", teimaba esta fin de semana a voceira do PPdeG en materia de Vivenda e Urbanismo, Pilar Rojo. "Non se entende como a Consellaría de Vivenda pode elaborar unha norma sobre o hábitat que lle afecta aos plans de ordenación urbanística sen que o departamento con competencias exclusivas na materia participe activamente na elaboración do documento", expoñía Rojo.

Na opinión dos populares, este sería un exemplo da "falta de coordinación e a ausencia da unidade de criterio" entre os departamentos xestionados por nacionalistas e os xestionados por socialistas. Nese sentido, o PPdeG rexistrou dúas iniciativas parlamentarias para pedirlle explicacións á Xunta polo que cualifican de especial sucesión de desencontros entre a consellaría de Vivenda, xestionada por Tareixa Táboas, BNG, e a de Política Territorial, xestionada por María Xosé Caride, PSdeG.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: