Vieiros

A orde asinada hai poucos días polo presidente dos Estados Unidos, George W.Bush, onde seica se estabelecía que o programa de de interrogatorios a detidos sospeitosos de actividade terrorista evitaría torturas foi matizada agora por altos cargos do goberno dos EUA.

Malia que un voceiro oficial da Casa Branca aseguraba que o documento fixa a prohibición de "tratamentos ou castigos crueis, inhumanos e degradantes", o director da espionaxe estadounidense, Mike McConell, explicou agora que os EUA "non se comprometen en materia de tortura". "As técnicas funcionan", defendeu McConell, asegurando que non poden considerarse estritamente tortura e que "salvaron incontábeis vidas". Os grupos en defensa dos dereitos humanos critican que o goberno Bush agocha tras de eufemismos como "técnicas de interrogatorio melloradas" o que seguen sendo prácticas ilegais.