Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
De Culleredo, Cambre e Carral

Dezasete concelleiros do PSdeG coruñés negáronse a votar polos deputados provinciais

Os díscolos, encabezados por Celestino Poza, cuestionan as designacións aprobadas polo partido.

Redacción - 12:44 13/07/2007
Celestino Poza, no medio, cando aínda era deputado provincial

Celestino Poza, no medio, cando aínda era deputado provincial

Os socialistas da bisbarra da Coruña están máis distanciados que nunca. O motivo do último enfrontamento é o reparto dos escanos de deputados provinciais. Os concelleiros tiñan que elixir catro representantes na Deputación. Finalmente prosperou a iniciativa oficial: Salvador Fernández Moreda (A Coruña); Xosé Nogueira (A Coruña); Pilar Souto (Arteixo); e Xosé García Liñares (Cerceda). Os catro obtiveron o apoio dos edís da Coruña, Arteixo, Oleiros e Cerceda.

Porén, horas antes da votación había moitos nervios. O secretario comarcal, Florencio Cardador, traballou arreo para que os concelleiros de Cambre, Culleredo e Carral acudisen á reunión. Mais non foi posíbel: os nove concelleiros de Culleredo, os sete de Cambre e un dos de Carral non foron ao encontro.

Segundo fontes socialistas os problemas comezaron pola exclusión de Celestino Poza, concelleiro en Culleredo e, até o de agora, deputado provincial. De feito, acusan a Poza de ter aguilloado a revolta interna. Porén, o candidato carralés Fernando Taibo tamén tiña esperanzas de entrar na cámara. Dende sector oficial xustifican a elección dos deputados e lembran que as baixadas máis acentuadas de votos se deron nos tres municipios díscolos.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: