Vieiros

Vieiros de meu Perfil


Edición xeral

RSS de Edición xeral
Uxue Barkos, voceira de Na-Bai

"Favorezan un goberno alternativo a UPN"

Foi a petición da voceira de Nafarroa Bai no Congreso. Uxue Barkos solicitoulle a Rodríguez Zapatero que eluda as presións e asuma a "vontade de cambio" para Navarra.

Redacción - 15:00 04/07/2007

A deputada navarra valorou que o PP, coa súa marca UPN, perdeu espazo político nas recentes eleccións autonómicas por "xogar con Navarra" e "usar até a saciedade o seu nome". No mesmo sentido dixo que o PSOE pasara a terceira forza debido á súa "inacción".

Destacando que Nafarroa-Bai pasase a ser segunda forza en votos, asegurou no Congreso que a súa formación actuará con "responsabilidade". Na súa opinión, se o PSOE quere responder tamén cunha actuación responsábel debera atender á colaboración co seu grupo. Foi así como recuperou o convite ao pacto entre os dous partidos en Navarra. "Estamos a tempo de responderlles aos cidadáns", propuxo.

Uxue Barkos solicitoulle ao goberno español e ao PSOE que non colaboren coas "mentiras" e coas estratexias da oposición para a que "todo vale", reprochándolle ao PP que diga que pactar con Nafarroa-Bai e abrirlle as portas á ETA. Foi así que afirmou que o seu grupo non dubidará en "combater a mentira" e criticou a "inacción prolongada" fronte a eses discursos como "caldo de cultivo para seguir con esta crispación".


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: