Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Unha galega no Giro de Italia

O seleccionador estatal escolleu a Biviana González para correr na proba italiana

Juan Carlos Martín foi na procura da galega terminados os campionatos estatais para avisala da súa decisión. González correrá co equipo feminino estatal do 6 de xullo ao 18 de xullo.

Redacción - 10:47 03/07/2007
Biviana González

Biviana González

Segundo terminou o campionato estatal, o seleccionador do combinado español feminino, Juan Martín, confirmoulle a Biviana González que fora escollida para viaxar a Italia no Giro feminino.

Será a primeira participación da ciclista de Bueu nunha das grandes voltas por etapas do calendario feminino, que sairá da cidade italiana de Crochet del Montello, para terminar o día 16 de xullo na cidade de Seregno, da Lombardía italiana.

Biviana González foi oitava na proba contra-reloxo na fin de semana en Cuenca, e quinta na de fondo en estrada, o que lle valeu para seguir a xuntar méritos que fan que agora viaxe a Italia a dar o mellor de si.

A única ciclista do Estado que ten gañado o Giro d'Italia foi a vasca Joane Somarriba, quen fixo "doblete" nos anos 1999 e 2000.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: