Vieiros

A decisión de Cristina Fernández coincide coa difusión está fin de semana das sondaxes que prognostican a súa vitoria nas próximas eleccións presidenciais, a celebrárense o 28 de outubro. Neste momento, a intención de voto cara á muller de Néstor Kirchner chegaría ao 46%, con máis de trinta puntos de vantaxe sobre os seus competidores máis destacados, Roberto Lavagna, ex ministro de Economía, e Elisa Carrió, ex deputada.

A confirmación da candidatura chega apenas uns días despois de que o candidato apoiado por Kirchner, Daniel Filmus, perdese nos comicios locais pola alcaldía de Bos Aires. O gañador nese caso, o empresario Mauricio Macri, debúxase como un posíbel candidato dos conservadores para liderar un proxecto de oposición ao actual goberno dentro de catro anos.