Vieiros

A Xunta asinou un convenio coa FNMT para darlle pulo ao uso da sinatura electrónica. O acordo estabelece que será o Goberno o emisor dos certificados necesarios para a identificación dixital no noso país, en representación da fábrica da moeda. Deste xeito, espérase garantir a extensión rápida do servizo.

O desenvolvemento do convenio supoñerá un investimento de case 220.000 euros, que permitirán reducir o custo de tempo e de procedementos que precisan dunha sinatura con validez legal, como, por exemplo, presentar a declaración da Renda ou calquera outro trámite perante as Administracións. A sinatura dixital identifica o usuario do mesmo xeito ca a firma tradicional e é intransferíbel.

Para solicitar a sinatura dixital, que consta dunha clave e mais un lapis electrónico, os cidadáns deberán acudir ás oficinas que a Xunta vai poñer ao seu dispor. Nunha primeira fase, está previsto emitir uns 80.000 certificados deste tipo.