Vieiros

O mundo do deporte galego volve celebrar a súa festa anual, a Gala dos Premios Galicia en Goles, promovida polo espazo radiofónico homónimo da Radio Galega. Os premios son outorgados pola redacción de deportes da RG e por varios xornalistas deportivos de distintos medios galegos.

Na Gala, que se celebra arredor das 20:30 horas no Auditorio de Galicia, os galegos con mellor traxectoria deportiva neste ano ou o locutor da RG, Carlos Reboreda; Roberto Carlos Carballo, director do espazo da Radio Galega Caneando; e Xoán Galán, director do programa Galicia en Goles, que lle dá título a esta festa. Os tres presentadores estarán acompañados polo ciclista Óscar Pereiro; a piragüista Teresa Portela; o xogador de balonmán David López; e a xogadora de rugby, Rocío García.

As figuras históricas do deporte galego tamén recibirán a súa homenaxe

Durante a celebración vai haber un anaquiño reservado para os equipos galegos acabdos de ascender, coma o Teucro, o Pilotes Posada, o Rosalía e o Leis; unha meción tamén para o Lobelle, pola Recopa de fútbol sala; ao Deportivo polo seu centenario e ao porteiro do Hércules C.F., Sergio Aragoneses, pola superación de dous cancros. Tamén será entregado un Premio Especial a tres persoas que forman parte da historia viva do fútbol galego: Amancio; Marcelino -mítico xogador coñecido por ser "o do gol a Rusia"; e Severino Reija.

Ademais dos deportes, tamén haberá un anaco para os risos, cos monólogos de Candido Pazó e Pepo Suevos; as imitacións do dúo Risoterapia (Carlos Ximénez e Paco Lodeiro) e a música de Sonora Callejera. A Gala retransmitirase na terza feira na Galega.