Vieiros

Vieiros de meu Perfil


Municipais07

Xestionado por Vieiros
RSS de Municipais07
Amarran a coalición

PSdeG e BNG asinan acordo en Ourense

Con repartición de áreas en paralelo ás responsabilidades de goberno que socialistas e nacionalistas xestionan na Xunta.

Redacción - 13:00 15/06/2007

As dúas formacións acordaran ter en conta nese reparto os propios temas nos que cada un dos grupos adicara máis atención durante o labor de oposición nos últimos anos. Ao tempo, tamén decidiron que as áreas nas que exercerán responsabilidade os edís de cada un dos grupos coincidan coas que exerce a respectiva formación no goberno da Xunta.

O voceiro do PSdeG, Francisco Rodríguez, quen desde este sábado será novo alcalde de Ourense, afirmou estar seguro de que o pacto de socialistas e nacionalistas responderá "á demanda de colaboración dos ourensáns" e garantirá o "máis alto nivel de estabilidade" para a cidade das Burgas. De paso, explicou que a distribución de áreas de xestión se deseñara na procura da "mellor operatividade e eficiencia posíbel". Polo seu lado, o líder do BNG ourensán, Alexandre Sánchez Vidal, confirmou que o seu grupo vaille dar "o apoio ao novo alcalde" este sábado co obxectivo de consolidar "un goberno estábel".


3/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: