Vieiros

O político que no seu momento recibira o Nobel da Paz canda Isaac Rabin, daquela primeiro ministro de Israel, e o finado líder palestino, Iaser Arafat, asume un novo cargo aos seus 83 anos.

Simon Peres, que leva desde os vinte anos en política, pasou neste tempo por até tres ministerios, os de Defensa, Exteriores e Finanzas, e foi tamén primeiro ministro do país. Hai sete anos competiu nas urnas nos comicios presidenciais, pero os electores escolleron a Moshe Katsav. O proceso xudicial no que se viu hai pouco implicado Katsav e que rematou coa súa destitución, fai que suba agora ao poder Peres.