Vieiros

As suxestións que se fan son as seguintes:

1- Visita á exposición Jordi Pericot, 20 anys d'art cinètic (1964-1984) + gràfics actuals.

Museu Municipal de Nàutica del Masnou

Esta proposta presenta o aliciente de que a visita é comentada polo propio artista, Jordi Pericot, que amable e desinteresadamente se brindou a falar da súa obra e a contestar as preguntas dos visitantes. É unha visita organizada en exclusiva para as lectoras e os lectores de vieiros que teñan interese en coñecer a obra de Jordi Pericot, o máximo representante catalán da pintura cinética.
A exposición é unha mostra antolóxica, con máis de 90 obras (desde os anos 50 até os 90), e unha instalación audiovisual.

Visita comentada de balde: sábado, 9 de xuño ás 18 horas.
Para saber máis e confirmar a asistencia, cómpre escribir a correo visita.pericot@gmail.com (deixar, coma mínimo, nome e apelidos e unha conta de correo electrónico para contactar) ou ler o artigo de Lito Caramés.  


2- Visita á exposición William Hogarth
CaixaForum Barcelona

Trátase da primeira visita comentada que organiza o Centro Galego de Barcelona dentro dun ciclo que pretende continuar moito tempo: “Art a Barcelona”. A actividade é dirixida e explicada por unha Guía Oficial de Arte de Catalunya.

Hogarth é o pintor inglés máis importante do século XVIII. Foi un cronista satírico da súa época e moi crítico coa sociedade e cos vida nas cidades.

-- Visita comentada, de balde para os socios do Centro Galego, o día domingo, 17 de xuño ás 11 h.

-- Visita comentada ao prezo de 3€ para os non socios do Centro Galego.

Para asistir (tanto os socios como os que non o son) é preciso chamar ao Centro Galego de Barcelona (93 3012892) e confirmar a asistencia. Tamén se pode escribir un correo electrónico: correo@centrogalegobarcelona.org.

Para saber máis da exposición visitade a web do Caixa Fòrum.