Vieiros

Vieiros de meu Perfil


Municipais07

Xestionado por Vieiros
RSS de Municipais07
Municipais07

PSdeG: Cooperación fronte aos "problemas reais"

"Ence seguirá en Galiza, pero non na ría", dixo Emilio Pérez Touriño en Pontevedra.

Redacción - 09:00 22/05/2007

"Salvaremos o emprego e os postos de traballo e para conseguilo, como todo na vida, non hai unha pócema milagrosa, senón traballo, suor e bágoas", dixo Touriño durante a súa intervención no acto electoral do PSdeG en Pontevedra.

Por outra parte, o secretario xeral dos socialistas galegos falou contra a "tentación permanente do PP" de aproveitar os gobernos locais para "confrontar e desgastar". "Así non se constrúen cidades", afirmou Touriño, "os problemas reais necesitan de cooperación para resolvérense". Nesa liña, pediu transparencia e confianza para "resolver o futuro remando na mesma dirección".

Ademais, o acto de Pontevedra, cidade onde goberna o BNG, serviulle a Touriño para alén dos dardos cara ao PPdeG, tirar tamén contra a formación coa que comparte goberno. "Cando se está nun concello ou na Xunta, mala historia estar en misa e repicando" ou "en manifestación e gobernando".

No mitin pontevedrés estivo tamén Antón Louro, coordinador dos socialistas galegos no Congreso, número dous na lista e de quen se especulou durante algún tempo coa súa posíbel candidatura á alcaldía da cidade. Louro cargou especialmente contra o BNG local: "fáltalles proxecto e sóbralles prepotencia" e acusounos de non ter proxecto político para a cidade. Finalmente, a candidata socialista, Teresa Casal, criticou o aspirante do PPdeG, Telmo Martín, lembrando a súa condición de promotor inmobiliario.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: