Vieiros

Vieiros de meu Perfil


Edición xeral

RSS de Edición xeral
Aniversario da súa fundación

A Fronte Polisario: 34 anos de resistencia

Os independentistas saharauís celebraron o aniversario este domingo na zona de Mijek cun desfile militar e con manifestacións civís.

Redacción - 08:00 21/05/2007
Brasón da RASD

Brasón da RASD

A Fronte Polisario celebrou este domingo o 34 aniversario da súa fundación coincidindo coa perspectiva de negociacións directas con Marrocos para o mes de xuño, baixo a supervisión do enviado da ONU, Peter Van Walsum.

Os independentistas saharauís concentraron os actos -un desfile militar e unha serie de manifestacións civís- na zona de Mijek, territorio liberado do Sáhara Occidental, a 200 quilómetros ao norte da fronteira mauritana e 900 ao sur de Tinduf, onde están instalados os campos de refuxiados.

Mensaxe a Marrocos
O Polisario manifestou nun comunicado que a conmemoración é "unha mensaxe dirixida a Marrocos para que finalice a represión do pobo saharauí" no Aiaún e noutras localidades da antiga colonia española.

O Primeiro ministro da autoproclamada República Arabe Saharauí Democrática, RASD, Abdelkader Taleb Omar, sinalou que o aniversario será tamén a ocasión de "demostrar que o noso combate non se dirixe desde o exilio senón no interior da nosa patria ocupada".

Ademais, Omar afirmou que a solución ao conflito "vai depender da vontade das Nacións Unidas para impor unha solución conforme á legalidade internacional".


4,5/5 (4 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: