Vieiros

Dende hai algo máis dun ano se estaban a suceder contínuos roubos en igrexas da provincia, principalmente da zona sul e sempre en parroquias rurais, alonxadas de núcleos de poboación e nalgúns casos abandoadas. A Policía semella que descubríu polo menos unha parte importante da orixe dos roubos. Un home que estaba a cumplir condea na cadea de Barcelona e que se atopaba en terceiro grao, aproveitaba as súas saídas de permiso para viaxar a Galicia e comete-las sustraccións. Logo colocaba a mercancía a anticuarios, explicando que as figuras eran da súa familia.

Encausado por outros feitos, a este home se lle suprimíu o réxime aberto, polo que foi a súa moza quen fixo o traballo. Foi precisamente a ela a quen a Policía colleu coas imaxes de San Ramón Nonato e San Pablo, da igrexa de Cadeiras (Sober) e a de San Lorenzo, de Fión (O Saviñao). Tamén tiña no seu poder outras dúas das que se sabe que proceden de Lugo, pero non exactamente de donde, pois están a seren identificadas.