Vieiros

A Sociedade Deportiva Teucro, todo un clásico do balonmán estatal, retornará a próxima tempada á Liga Asobal logo de pasar dous anos na División de Honra B. Deste xeito, os pontevedreses disputarán no próximo curso a súa vixésima tempada na que para moitos é a mellor liga do mundo.

Xunto cos pontevedreses tamén ascenden á Asobal os seus veciños do sur da provincia, o Pilotes Posada, que certificaba o seu ascenso a semana pasada ao gañar o Tolimar Tres de Mayo no pavillón das Travesas.

O destino quixo que ambos equipos se enfronten o próximo domingo na cancha dos vigueses no que será unha auténtica festa do balonmán galego. No virtual choque de Asobal, os dous conxuntos loitarán por facerse co título de campión de liga, aínda que os vigueses parten con certa vantaxe xa que están un punto por enriba do Teucro e sírvelles o empate para rematar primeiros.

• Clasificación da División de Honra B