Vieiros

Vieiros de meu Perfil


Edición xeral

RSS de Edición xeral
Case medio millón de afectados en Brasil

Lula da Silva termina coa patente dunha menciña contra a sida

Versións xenéricas do antirretroviral Efavirenz poderán ser fabricadas ou importadas logo de que o presidente brasileiro lle outorgase a “licenza compulsoria” á patente.

Redacción - 12:59 05/05/2007
Lula da Silva

Lula da Silva

Lula da Silva fixo caso a recomendación do seu Ministerio de Saúde e rematou coa patente da menciña, logo de rexeitar unha proposta de desconto do 30% realizada polo laboratorio Merck Sharp&Dhome. O medicamento é utilizado en Brasil por preto de 75.000 pacientes con sida na rede pública de sanidade, o que supón un custe de 31,6 millóns de euros ao ano.

Con esta licenza, Brasil poderá comezar a produción nacional da menciña ou mesmo importar xenéricos, prexudicando así o laboratorio MSD, que comercializaba en exclusiva o Efavirenz no país suramericano.

Segundo a lexislación internacional, un estado pode romper a patente dunha menciña, a través dunha licenza compulsoria, por mor de casos de emerxencia pública. Os últimos datos feitos públicos polo Ministerio de Saúde de Brasil sinalan que na actualidade o país conta con 433.000 casos de sida.

Esta é a primeira vez que Brasil rompe cunha patente, o que provocou que desde o laboratorio afectado se advertise de que se estaba a enviar unha sinal “decepcionante” aos produtores farmacéuticos á hora de realizar inversións para atender doenzas que afectan os países pobres.


5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: