Vieiros

Vieiros de meu Perfil


Edición xeral

RSS de Edición xeral
No inicio do seu segundo mandato

Lula avanza que non será candidato en 2010

O goberno brasileiro prepara unha reforma que impediría a reelección dos presidentes, aínda que ampliaría a cinco anos cada mandato.

Redacción - 08:00 24/04/2007
Tags: Brasil Lula

"Cando o presidente non ten máis no seu horizonte a disputa presidencial, entón quédalle máis doado gobernar", comentou Luiz Inacio Lula da Silva durante a súa intervención semanal no espazo radiofónico Café com o Presidente, "Eu non teño máis que loitar en 2010, só teño que deixar Brasil infinitamente mellor do que o recibín, e iso dáme liberdade para conversar con todos os sectores da sociedade".

"Todo o mundo sabe o que eu pensaba en 2006, e eu sempre estiven contra a reelección, pero acontece que existe esa figura e hoxe eu son un presidente reelixido", explicou Lula ao respecto. As súas palabras chegan despois de que o propio ministro de Xustiza, Tarso Genro, recoñecese que o executivo traballa nunha emenda constitucional que por un lado ampliará de catro a cinco anos o treito de cada presidente escollido polos brasileiros e polo outro acabará co sistema de reelección.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: