Vieiros

Vieiros de meu Perfil


Fwwwrando

RSS de Fwwwrando
Dunha compañía londiniense que fabrica obxectos de luxo

Presentan un ordenador que custa un millón de dólares

O trebello conéctase introducindo un diamante que tamén serve para identificar o usuario.

Redacción - 11:25 27/03/2007
O portátil dun millón de dólares

O portátil dun millón de dólares

Mentres están a xurdir iniciativas para crear ordenadores portátiles de baixo prezo que acheguen as novas tecnoloxías aos países en vías de desenvolvemento, a compañía británica Luvaglio toma o camiño oposto. A empresa, especializada en artigos de luxo, vai poñer á venda o seu primeiro computador ao módico prezo dun millón de dólares.

Deste trebello, reservado a millonarios, só se coñecen algúns detalles técnicos. Ten unha pantalla panorámica de 17 polgadas iluminada con LED e tratada contra os reflexos. A súa capacidade de almacenamento é de 128 xigas de disco en estado sólido e rañura de Blu-ray.

Ademais, conta cun limpador de pantalla integrado e ten varios diamantes. Un deles serve de chave de acendido cando se introduce no computador e serve, asemade, de elemento de identificación de seguridade.

Os clientes de Luvaglio son tan exclusivos que mesmo se precisa unha recomendación para poder acceder á súa web. Hai un breve vídeo do computador no Youtube:


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: