Vieiros

Vieiros de meu Perfil


Edición xeral

RSS de Edición xeral
TAMÉN SE INVESTIGA UNHA FALSIDADE DOCUMENTAL

Admiten a trámite unha querela contra Cacharro Pardo por malversación

O Tribunal Supremo admitiu a trámite a querela presentada pola fiscalía contra o senador do PP e presidente da Deputación de Lugo, Francisco Cacharro

Europa Press - 18:46 23/03/2007

O pasado 2 de febreiro a xunta de fiscais do Tribunal Supremo aprobou por unanimidade solicitar que se lle retire a inmunidade parlamentaria a Cacharro para que puidese ser imputado en relación co abono supostamente ilegal de axudas de custo aos vicepresidentes da Deputación Provincial.

O alto Tribunal asume agora a competencia da investigación ao tratarse dun aforado e nomea relator do caso ao maxistrado Julián Sánchez Melgar. O suplicatorio contra o senador aínda non foi cursado posto que a lei permite que este declare no Alto Tribunal antes de realizar ese trámite, se así o considera pertinente o imputado.

Na querela do fiscal imputábase a Cacharro un delito de malversación de caudais públicos e outro de falsidade documental e afirmábase que "se recolleu grande cantidade de elementos de convicción que poñen de manifesto que Cacharro, na súa calidade de presidente da Deputación Provincial de Lugo, impartiu ordes e autorizou os pagamentos ilegais que son obxecto do proceso".


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: