Vieiros

Vieiros de meu Perfil


Edición xeral

RSS de Edición xeral
Por non comparecer á hora fixada

A Audiencia Nacional ordena a detención e traslado pola forza de Otegi a Madrid

O dirixente abertzale non se presentou á vista oral para ser xulgado por "enaltecemento de terrorismo", debido aos cortes de tráfico producidos polo temporal de neve.

Redacción - 17:21 21/03/2007
Arnaldo Otegi nunha xuntanza co líder do Sinn Féin, Gerry Adams

Arnaldo Otegi nunha xuntanza co líder do Sinn Féin, Gerry Adams

A Audiencia Nacional española ordenou a inmediata detención e traslado pola forza a Madrid de Arnaldo Otegi, para ser xulgado ás 18.00 horas deste mércores. O dirixente abertzale regresara ao seu domicilio en Elgoibar (Guipuzcoa), logo de non se poder trasladar por culpa do temporal de neve.

A vista oral fixarase para as 10:30 horas, mais Arnaldo Otegi non puido chegar a tempo, debido a que o temporal de neve que afecta ao norte da Península Ibérica provocou complicacións no tráfico rodado na N-I.

O tribunal acordou fixar unha nova cita para as 16:30, e enviou á Garda Civil para certificar que Otegi estaba nun atasco. Unha vez constatada a volta á casa de Otegi, a Audiencia Nacional ordenou "a inmediata detención e traslado pola forza pública" do dirixente abertzale a Madrid, para ser xulgado ás 18:00 horas.

"Incomparecencia inxustificada"

A Sección Cuarta do Penal afirma no seu auto que adoptou esa decisión "ante a incomparecencia inxustificada do acusado" e ao non constar "oficialmente a imposibilidade" de que Otegi se poida presentar á vista.

Segundo o tribunal, "non existe ningún punto pechado para o tráfico rodado, fóra dalgún tramo comarcal para os vehículos pesados dende Burgos até Madrid". Xa que logo, ordenoulle á Garda Civil que arrestase a Arnaldo Otegi e o trasladase á capital española.

Ademais, no mesmo auto o tribunal comunícalle á súa avogada, Jone Goirizelaia, que na vista deberá comparecer coas testemuñas propostas por esta, tamén atrapadas pola neve. Trátase dos dirixentes de Batasuna Joseba Permach e Joseba Alvarez, o secretario xeral de LAB, Rafa Díez, e os pais de Olaia Castresana.

Precisamente, Otegi vai ser xulgado acusado dun delito de "enaltecemento de terrorismo" pola súa participación nun acto en lembranza desta última, membro finado da ETA.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: