Vieiros

O expedicionario galego iniciou este domingo o seu regreso desde o país nórdico logo de superar a marca de travesía polar que posuían desde 2001 os españois Naranjo e Larramendi. Para iso, tivo que pedalear durante máis de dez días unha media de 74 quilómetros nunha bicicleta especial preparada para a ocasión.

O lugués sufriu no seu periplo as consecuencias do cambio climático que precisamente quería denunciar coa súa aventura. Segundo informa a axencia EFE, atopouse con temperaturas máis altas das agardadas para a época, entre menos 10 e 6 grados, e incluso a falta de neve e a chuvia fixeron que tivese que pedalear algúns treitos por estradas convencionais.

Juanes, cunicultor de 45 anos, xa realizara diversas travesías polares e outras fazañas como ascender ao Kilimanjaro medio espido.