Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Non existen indicios de delito contra a saúde pública

O xuíz arquiva o caso da ‘Operación Puerto’ por falta de probas

A falta de danos físicos demostrábeis nos cincuenta e catro corredores implicados axudou ao sobresemento de Eufemiano Fuentes e dos outros sete acusados.

Redacción - 14:44 10/03/2007
Fuentes tiña mostras de sangue na súa casa

Fuentes tiña mostras de sangue na súa casa

O xuíz Antonio Serrano arquivou o caso por considerar que non existen indicios de delito contra a saúde pública. Segundo o maxistrado, aos procesados non se lles pode aplicar a nova lei antidopaxe xa que, cando se instruíu o caso en maio de 2006, aínda non estaba regulada. Deste xeito, os oito imputados quedan sen cargos xa que “non puxeron en perigo a vida dos corredores” e non se valora se existiu dopaxe ou non.

Foi o 23 de maio de 2006 cando no desenvolvemento da ‘Operación Puerto’ foron detidos Eufemiano Fuentes e José Luis Merino Batres, os técnicos Manolo Saiz e Ignacio Labarta, o ex ciclista de montaña Alberto León, o director técnico Vicente Belda e os médicos Alfredo Córdova e Yolanda Fuentes.

Entre os ciclistas afectados pola operación atopábase, segundo a Garda Civil, Marcos Serrano, por aquel entón no Astana-Würth e hoxe no Karpin Galicia. O de Chapela non puido participar no Tour do 2006 logo de que a organización da proba lle negase a inscrición aos cincuenta e catro corredores implicados.


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: