Vieiros

Vieiros de meu Perfil


Edición xeral

RSS de Edición xeral
Segundo unha reportaxe de The New York Times

Varios estudos sinalan que a relixión podería ter unha base xenética

Segundo unha reportaxe publicada no New York Times do domingo, a crenza en Deus podería ter unha orixe xenética. O xornal estadounidense faise eco de diversas investigacións que chegaron a esta conclusión.

Redacción - 13:50 05/03/2007
Catedral de Santiago

Catedral de Santiago

Aínda que todas as civilizacións humanas tiveron cadansúa relixión, esta non representa beneficios para a supervivencia dende o punto de vista evolutivo. Mais ben, xera un custo de recursos físicos e mentais.

Pero ese esforzo axuda a crear unión comunitaria. Os estudos realizados determinaron que o cerebro humano está predisposto a crer no sobrenatural pola súa tendencia a buscarlles explicación ás cousas. Crenzas como a da existencia doutra vida axudan a combater o medo á morte, e a cubrir a incapacidade da nosa mente de asumir a desaparición dos seres queridos.


Os estudos citados polo New York Times inciden en que mesmo os ateos deben facer un esforzo mental para non caer nas sempre ameazadoras supersticións como cruzar os dedos ou tocar madeira. Tamén salienta o dato de que nos Estados Unidos seis de cada dez persoas cren no demo, sete de cada dez na vida despois da morte e o 92% na existencia dun deus.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: