A curta, xénero en voga
A produción de curtametraxes no noso país segue en boa forma. O sábado 24 estréase no CGAI, na Coruña, a produción Alma esquecida, dirixida por Clara G. Nieto, dentro do ciclo Fóra de serie. A curta, gravada o pasado verán na comarca da Fonsagrada, conta a historia dun ex-combatente republicano da Guerra Civil, que volve a Galiza para se entregar lonxe da fronte, coa esperanza de salvar a súa vida. Interveñen Manu Fernández, Carlos Díaz, Carmina García, Paco Campos e Manuel Lourenzo.
O mércores 21 comeza a rodaxe de Cadea perpetua, de Christopher Jiménez, estudante da escola de Imaxe e Son de Vigo. O público poderá contemplar o proceso en vivo. Comezará ás dez e media da mañá no paseo de Afonso XII e trasladarase pola tarde á praia da Fonte. O xoves e o venres gravarase no concello de Rois.
A nova produción conta cun amplo despregue técnico e humano, malia os escasos medios económicos dos que dispón. Conta unha historia que se desenvolve no século XVI. Nela, Uxía, amante de Felipe II, é falsamente acusada de bruxería, polo que marcha exiliada á súa terra cunha filla, froito da relación. A curtametraxe ten como intérpretes a Cristina Varela, Laura Seijo, Xosé Barato e Vicente Montoto.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto