Vieiros

Así e todo, a cantidade total implica unha redución de arredor do 15% sobre os cartos ingresados anteriormente, no período 2000-2006, xa que logo máis de cen millóns de euros menos cada ano. O conselleiro destacou que a Xunta vaia xestionar directamente o 51% do total destes fondos, tres puntos máis que o realizado no período 2000-2006.

Na intervención diante da comisión de Economía da Cámara galega, o conselleiro debullou os investimentos europeos, sinalando que dese total, o FEDER, Fondo Europeo de Desenvolvemento Rexional, supón para Galiza até 2.920 millóns de euros. A continuación, o Fondo Social Europeo, implica o investimento de 1.071 millóns. Séguelle o Fondo Europeo Agrícola para o Desenvolvemento Rural, que achega 856 millóns. Destaca tamén o Fondo Europeo de Pesca, que garante 428 millóns de euros. Os fondos de cooperación transfronteiriza para a eurorrexión Galiza-Norte de Portugal suman 54 millóns de euros.