Vieiros

Vieiros de meu Perfil


Galego.org

Xestionado por Vieiros
RSS de Galego.org
ENTRE OUTRAS, RECIBIRÁN DA XUNTA UN DICIONARIO E DOUS TRADUTORES AUTOMÁTICOS

Concellos e deputacións contarán con diversas ferramentas para usaren máis o galego

A Xunta achegará a todos os concellos de Galiza e as catro deputacións provinciais diverso material para contribuír ao fomento da normalización lingüística no eido da Administración local. As distintas entidades contarán con distintas ferramentas para o desenvolvemento do labor profesional do persoal que as atende. Segundo sinalaron fontes da Xunta, a actuación responde ao cumprimento do Plan Xeral de Normalización da Lingua Galega, texto aprobado por unanimidade no Parlamento de Galiza en setembro de 2004. Este pon de manifesto a necesidade de introducir o galego como lingua vehicular de traballo na Administración.

- 16:15 12/02/2007
Tags:

Os elementos remitidos a cada concello e a cada deputación son: dous exemplares da Lei 30/1992, comentada por letrados da Xunta, un exemplar do Dicionario Xerais de Sinónimos e Antónimos, dous exemplares da publicación Niveis de competencia en lingua galega, dous volumes da separata do sector "Administración" do Plan Xeral de Normalización e dous exemplares do tradutor automático ES-GL (español-galego), se ben os documentos transferidos deben ser revisados para asegurar unha completa precisión na súa tradución.

A Consellería de Presidencia e a Secretaría Xeral de Política Lingüística, responsábeis da iniciativa, consideran que estas ferramentas permitirán facer posíbel o respecto pola opción lingüística escollida pola cidadanía no momento de acceder á administración, e introducir a oferta positiva de atendela inicialmente en galego.


Documentos

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: