Vieiros

Vieiros de meu Perfil


Fwwwrando

RSS de Fwwwrando
ÉXITO DOS 'HELIONAUTAS'

O barco solar completa a travesía atlántica

Co único impulso da enerxía solar, o Sun 21 chegou hai poucos días á Martinica, semanas despois de saír da outra beira do Atlántico. Os promotores da expedición quixeron facer coincidir esa simbólica chegada a porto coa presentación en París do informe sobre o cambio climático.

- 11:38 06/02/2007
Tags:

"Necesitamos novas coma esta, que nos fagan ser optimistas sobre o futuro que nos agarda", reflexionou Heikki Willstedt, un dos responsábeis do proxecto e experto en enerxía e cambio climático do colectivo ecoloxista WWF/Adena, "toda a enerxía pode vir do sol, e o que necesitamos é que políticos, empresas e cidadáns estean convencidos disto". "Apostar polas enerxías renovábeis é a única solución fronte á crise ecolóxica e política que causan os combustíbeis fósiles", advertiu.

Nin petróleo, nin emisións á atmosfera, nin vertidos contaminantes. O catamarán solar, bautizado Sun 21, completou así con éxito 6.400 km entre Cádiz e Martinica, con escala nas Illas Canarias, usando unicamente os paneis solares instalados na cuberta da embarcación. En palabras de Martin Vosseler, membro da tripulación: "Con esta viaxe lanzamos unha mensaxe clara: chega a era solar".


Ligazóns

5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: