Vieiros

A alcaldía de Miami estuda cederlle o estadio Orange Bowl á comunidade cubana na cidade para que celebre unha festa cando morra Fidel Castro. Os concelleiros están a valorar a posibilidade de organizaren actuacións musicais e mesmo de venderen camisetas alusivas ao evento. Pero hai sectores do exilio cubano que non están de acordo coa proposta, pois pensan que a celebración debe ser espontánea e non se debe recluír nun espazo acoutado. Así, prefiren recibir o pasamento do ditador cubano na Rúa Oito da Pequena Habana, pero sempre "de xeito ordenado e sen actos vandálicos".