Vieiros

Cortes de subministro eléctrico durante doce horas, que afectan aos hospitais, ao abastecemento de auga e á educación, son a consecuencia da actividade de Fenosa en Nicaragua. O 28 de setembro do ano pasado xa fora demandada pola Rede Nacional de Defensa do Consumidor de Nicaragua perante a Corte Suprema de Xustiza nicaragüense. O 15 de novembro comunicóuselle á empresa o inicio dun xuizo administrativo de nulidade de contrato, que anule o contrato de adxudicación adquirido hai seis anos pola compañía eléctrica en Nicaragua, para administrar as empresas estatais de distribuición e comercialización de enerxía por un período de trinta anos. Fenosa, ao asinar o contrato co Instituto Nicaragüense de Electricidade, comprometeuse a mellorar e ampliar o servizo. Segundo Ruth Herrera, coordinadora da Rede Nacional de Defensa dos Consumidores, fala de tarifas moi altas que implican a 400.000 abonados e dos constantes apagóns. "Os usuarios de Nicaragua non poden seguir sometidos a un servizo caro e deficiente".

Por isto, corenta organizacións esixen a Fenosa que idemnice á poboación nicaragüense polos danos provocados e abandone Nicaragua, sen restitución ningunha. Asinan esta iniciativa a Rede Nacional en Defensa do Consumidor de Nicaragua; Casa de Nicaragua de Cataluña; Comité de Solidariedade Internacionalista de Zaragoza; Ecoloxistas en Acción; Entrepueblos/Entrepobles/Entrepobos; OMAL; Yolocamba; Rede do Observatorio da Débeda na Globalización; Irmanamento León (Nicaragua) Zaragoza; Mesa Global de Guatemala; Rede Ambientalista en Acción dol Salvador; El Teixit de la Terra (Sabadell); SETEM Cataluña; Coordinadora Un Altre Món És Possible de Sabadell; Verdegaia (Galiza); Colectivo de Solidariedade pola Xustiza e Dignidade dos Pobos COLICHE A Rioxa; GRUDESA Nicaragua; Comunidade do Sur (Uruguai); Cidadáns en Apoio aos Dereitos Humanos (México); Centre de Recerca e Informació per el Consum; Associazione Italia-Nicaragua; revista Opcions; Veterinarios Sen Fronteiras; Asociación Vecinos de Venecia; WIDE - Globalising Gender Equality and Social Justice; Acsur Las Segovias; O Encontro Popular-Capítulo Centroamericano da Alianza Social Continental; Encontro Popular-Capitulo Costa Rica de la Alianza Social Continental; France Amérique Latine; Comité Canario de Solidariedade cos Pobos; FOCO, Foro cidadán pola participación pola xustiza e os dereitos humanos Arxentina; Asociación Guaiaie (Estremadura), COSAL Sevilla; SINALTRAINAL" (Colombia); Observatorio social de empresas transnacionais, megaproxectos e dereitos humanos en Colombia; PTM-mundubat; COLREFE; Plataforma Bolivariana de Tenerife, AEPCFA, COPINH, e Adobe, Arquitectura e Compromiso Social. Pódese obter máis información a través de www.unionpenosa.org.