Edición xeral
O 75% dos beneficios do petróleo iraquí pode quedar en mans estranxeiras
O xornal británico The Independent publica na súa edición deste domingo que a exploración das reservas de petróleo iraquí poderían quedar abertas aos intereses de empresas occidentais. Esta decisión mantense á espera de que o parlamento de Irak aprobe unha lei que será apresentada nos próximos días. De ser así, as compañías estranxeiras poderían chegar a acaparar o 75% dos beneficios do negocio.
Segundo o rotativo londinense, que tivo acceso a un borrador deste proxeto de lei, o goberno dos USA participou activamente na elaboración desta proposta. De ser aprobada, compañías como BP, Shell ou Exxon poderían acadar contratos de trinta anos de duración para extraer o petróleo da terceira maior reserva mundial. Cómpre lembrar que dende 1972, cando a industria fora nacionalizada, nunca as empresas foráneas tiveron acceso a explotación do chamado "ouro negro" iraquí.
Executivos da industria petrolifera defenden a aprobación desta lei coma "única forma de reactivar a produción en Irak, tras anos de sancións, guerra e emigración de técnicos especialistas."
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto