Vieiros

Na guía para mulleres emprendedoras inclúense esquemas e consellos para facer plans de empresa e detállanse as características das diferentes fórmulas xurídicas, ademais dos trámites de constitución dun novo negocio, os impostos aos que haberá que facer fronte e as subvencións ás que se pode acceder. O documento inclúe, ademais, enderezos e teléfonos de interese aos que as emprendedoras poden acudir para faceren consultas. A guía é froito do proxecto europeo Equal Calíope de fomento da igualdade de oportunidades.

Con esta nova ferramenta, o servizo dependente da Vicepresidencia da Xunta pretende que aumente a porcentaxe de mulleres autónomas no país, actualmente o 36,57% das persoas afiliadas a ese réxime especial. Malia isto, Galiza atópase por riba da media estatal en emprendemento feminino, que é só do 31,8%.