Edición xeral
Unha factoría eslovena producirá os históricos xabróns de La Toja
A fábrica de La Toja, emprazada en Culleredo, pechará as súas portas a finais deste ano. A decisión da multinacional alemá Schwarzkopf semella non ter volta atrás. Segundo a dirección, a histórica factoría de xabróns non é viábel economicamente. O peche vai afectar a 148 traballadores que están en nómina da empresa e a outro medio cento que fai traballos externos. A deslocalización tira máis dun século de historia de xabróns galegos. Eslovenia, cunha man de obra máis barata, será o futuro produtor dos xeles galegos. O alcalde de Culleredo, Julio Sacristán, e o conselleiro de Industria, Fernando Blanco, van reunirse o vindeiro martes con máximos representantes da empresa para intentar mudar a decisión.
Dende os sindicatos non comparten a visión da empresa. Aseguran que La Toja é rendíbel cunha boa planificación. Non hai que esquencer tampouco que a fábrica ocupa unha ampla extensión de terreos na área metropolitana da Coruña, nunha zona na que ultimamente proliferaron urbanizacións. Algunhas fontes sinalan que o valor mínimo dos terreos acadaría os 18 millóns de euros no mercado inmobiliario.
A empresa de xabróns La Toja comezou a súa andaina na Illa da Toxa en 1899. Ligados ás augas termais, os xeles desta marca acadaron unha gran fama en todo o estado logo dunha forte ampliación nos anos 40.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto