Seis anos de Patrimonio da Humanidade
Lugo comeza hoxe a conmemorar o sexto aniversario da declaración da Muralla como Patrimonio da Humanidade. Ata o xoves, vanse desenvolver no salón de actos do centro social Uxío Novoneyra as xornadas de arqueoloxía "O patrimonio arqueolóxico das cidades como recurso cultural e turístico". Durante estes catro días, pasarán por Lugo expertos de toda España, que incidirán na idea de preservar o patrimonio da cidade, que tamén constitúe unha fonte de riqueza. Asemade, estase a traballar na creación dunha web sobre o Lugo romano e o catálogo arqueolóxico do termo municipal.
Ademais, coincidindo coa data do aniversario, o xoves entregaráselle a medalla de ouro da cidade á Real Academia Galega, e ofrecerase un concerto no Círculo das Artes a cargo de Amancio Prada. O cantante berciano volverá a Lugo despois de moitos anos para ofrecer un recital intimista. O acto, que será gratuíto, está organizado polo Concello e mais a Sociedade Filharmónica.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto