Vieiros

Jeff Bezos, o fundador e presidente da maior tenda virtual, Amazon.com, foi nomeado o domingo Home do Ano da prestixiosa revista americana Time. De 35 anos, fillo de cubanos exiliados, Bezos é o prototipo de home de éxito que monta empresa e se forra gracias ao "boom" de Internet. Comezou con Amazon en xullo do 95 en Seattle, por suposto, nun garaxe. Hoxe, a súa empresa posúe 13 millóns de clientes e a súa fortuna en accións (ten o 36,5% desta tenda en liña) é de máis de 10.000 millóns de dólares. Ao resto dos humanos, só nos queda xogar á lotería...