Vieiros

Vieiros de meu Perfil


Venezuela

Edición xestionada por Xurxo Martínez Crespo
RSS de Venezuela
SEGUNDO O PRESIDENTE VENEZUELANO HUGO CHÁVEZ

Segundo Chávez, Aznar pediulle que "entrara na modernidade e esquecera a Fidel"

"Non hai moderación co imperio. Esa xente perdeu a cabeza. Por iso o mundo sofre as consecuencias", sinalou Chávez. Tamén recordou que o ex mandatario español, José María Aznar, visitou Venezuela en 2000 para tratar de convencelo de deixar os camiños revolucionarios e de sumarse "á modernidade". Entre outras cousas díxolle "esquécete das relacións con Fidel Castro, das leis habilitantes, deume todo un discurso da dereita máis fascista que nega aos demais", afirmou o presidente Chávez.

- 11:55 09/11/2006
Tags:

O presidente venezuelano, Hugo Chávez Frías, asegurou este mércores que fracasará calquera intento de moderación entre o Goberno de Venezuela e o "imperialista e xenocida" de Estados Unidos, presidido por George Walker Bush.

"Non hai moderación co imperio. Esa xente perdeu a cabeza. Por iso o mundo sofre as consecuencias", sinalou, durante unha xuntanza con xornalistas de medios internacionais, o Xefe de Estado en referencia á imposibilidade dun achegamento entre ambos mandatarios.

Recordou que diversos ex mandatarios do mundo como Vicente Fox (México), Fernando Henrique Cardoso (Brasil) e Jacques Chirac (Francia), e outros como Álvaro Uribe Vélez (Colombia) e Vladimir Putin (Rusia) fracasaron nos intentos de mediar entre os dous gobernos.

Como exemplo, mencionou o gran número de mortes como consecuencia da guerra en Iraq, accións que o presidente venezuelano chamou tolemias do imperio só polo petróleo que posúe ese Estado.

Tamén recordou que o ex mandatario español, José María Aznar, visitou Venezuela en 2000 para tratar de convencerlle de deixar os camiños revolucionarios e de sumarse "á modernidade".

Entre outras cousas díxolle "esquécete das relacións con Fidel Castro, das leis habilitantes, deume todo un discurso da dereita máis fascista que nega aos demais", afirmou o presidente Chávez.

Así mesmo, Chávez informou que están abertas todas as posibilidades de visitar o Europarlamento. Destacou a importancia do vello continente, porque Europa debe contribuír a moderar e a poñerlle freo ás arelas imperiais.


0/5 (0 votos)